Узбекистаны нийслэл Ташкент хотноо болсон “Tour of Bostonlig” UCI 2.2 олон өдрийн тэмцээний ганцаарчилсан гараатай 30 км-ийн цагийн уралдаанд манай тамирчин Б.Тэгшбаяр түрүүлж, Олимпын эрхээ хүртлээ. Өмнө нь “Ханжоу 2022” Азийн наадмын засмал замын уралдаанд С.Жамбалжамц хүрэл медаль зүүсэн амжилтаар Парисын олимпыг зорих болсон билээ. 

Ийнхүү Монголын дугуйчид “Атланта-1996” Олимпоос хойш 28 жилийн дараа Олимпын замд ур чадвараа сорих болсон бөгөөд С.Жамбалжамц бөөн гараатай уралдаанд, Б.Тэгшбаяр ганцаарчилсан гараатай тэмцээнд хурд хүчээ сорино.